Litaniae Sacratissimi Cordis Iesu

Kyrie, eléison.
Christe, eléison.
Kyrie, eléison.
Christe, audi nos.
Christe, exáudi nos.
Pater de caelis Deus, miserére nobis.
Fili, Redémptor mundi, Deus, miserére nobis.
Spíritus Sancte, Deus, miserére nobis.
Sancta Trínitas, unus Deus, miserére nobis.

Cor Iesu, Filii Patris aetérni, miserére nobis
Cor Iesu, in sinu Vírginis Matris a Spiritu Sancto formátum, miserére nobis
Cor Iesu, Verbo Dei substantiáliter unítum, miserére nobis
Cor Iesu, maiestátis infinitae, miserére nobis
Cor Iesu, templum Dei sanctum, miserére nobis
Cor Iesu, tabernáculum Altíssimi, miserére nobis
Cor Iesu, domus Dei et porta coeli, miserére nobis
Cor Iesu, fornax ardens caritatis, miserére nobis
Cor Iesu, justitiae et amóris receptáculum, miserére nobis
Cor Iesu, bonitate et amóre plenum, miserére nobis
Cor Iesu, virtútum ómnium abýssus, miserére nobis
Cor Iesu, omni laude digníssimum, miserére nobis
Cor Iesu, rex et centrum ómnium córdium, miserére nobis
Cor Iesu, in quo sunt omnes thesáuri sapiéntiae et scientiae, miserére nobis
Cor Iesu, in quo hábitat omnis plenitúdo divinitátis, miserére nobis
Cor Iesu, in quo Pater sibi bene complácuit, miserére nobis
Cor Iesu, de cujus plenitúdine omnes nos accépimus, miserére nobis
Cor Iesu, desidérium cóllium aeternórum, miserére nobis
Cor Iesu, pátiens et multae misericórdiae, miserére nobis
Cor Iesu, dives in omnes qui ínvocant te, miserére nobis
Cor Iesu, fons vitae et sanctitátis, miserére nobis
Cor Iesu, propitiatio pro peccátis nostris, miserére nobis
Cor Iesu, saturátum oppróbriis, miserére nobis
Cor Iesu, attrítum propter scélera nostra, miserére nobis
Cor Iesu, usque ad mortem oboédiens factum, miserére nobis
Cor Iesu, láncea perforáturn, miserére nobis
Cor Iesu, fons totius consolatiónis, miserére nobis
Cor Iesu, vita et resurréctio nostra, miserére nobis
Cor Iesu, pax et reconciliátio nostra, miserére nobis
Cor Iesu, víctima peccatórum, miserére nobis
Cor Iesu, salus in te sperántium, miserére nobis
Cor Iesu, spes in te moriéntium, miserére nobis
Cor Iesu, delíciae Sanctórum ómnium, miserére nobis

Agnus Dei, qui tollis peccáta mundi, parce nobis, Domine.
Agnus Dei, qui tollis peccáta mundi, exaudi nos, Domine.
Agnus Dei, qui tollis peccáta mundi, miserére nobis.

V. Iesu, mitis et húmilis Corde.
R. Fac cor nostrum secúndum Cor tuum.

Oremus. Omnípotens sempitérne Deus, réspice in Cor dilectíssimi Filii tui, et in laudes et satisfactiónes, quas in nómine peccatórum tibi persólvit, iísque misericórdiam tuam peténtibus tu véniam concéde placátus, in nómine ejúsdem Fílii tui Iesu Christi: Qui tecum vivit et regnat in sáecula saeculórum. R. Amen.

(Ad mentem Romani Pontificis:)

Pater, Ave, Credo

V. Unigenitus Dei Filius.
R. Nos bene(+)dicere et adiuvare dignetur.